MuzFm.TV » Тексты песен » Botir Qodirov - Ona matni

Botir Qodirov - Ona matni

Yuragimning dard tolasi,
Qalbimning mungli nolasi,
Ko’zlarim sog’inch jolasi – onam.
Xasratlarin ichga yutgan,
Dardin aytolmay berkitgan,
Mening kelishim zor kutgan – onam.


Onam, onam.
Yuzlari yorug’ oyligim,
Mening yo’qotgan boyligim,
G’animatim, chiroyligim – onam.

Yayrab, quvnab yurmaganim,
Davru davron surmaganim,
E, so’nggi dam ulgurmaganim – onam,
E, so’nggi damda ulgurmagan – onam.

Dardu sitam birlan qarib,
Ko’zlari meni axtarib,
Vidolashmay ketgan g’arib – onam.
Omonatgina mehmonim,
Yolg’izim, tanho insonim,
So’nggi so’zlari armonim – onam.
Onam…

Boshida tuxmat toshlari,
Baloyu kulfat toshlari,
Toshdan qattiq bardoshlari – onam.
Umri sokin g’amginginam,
Endi manguga jimginam,
Yuvoshginam, mo’minginam – onam.

Yuzlari yorug’ oyligim,
Mening yo’qotgan boyligim,
G’animatim, chiroyligim – onam.
Onam… onam… onam… onam…