MuzFm.TV » Тексты песен » Yulduz Usmonova - Dunyo (2020) matni

Yulduz Usmonova - Dunyo (2020) matni

Bahorman deb, bahor kulib keladi,
Yoz issig`i jonlar yoqib keladi.
Hosilli kuz bizni xursand qiladi,
Hisob uchun izg`irin qish keladi.

Hayot ham sevgi bilan boshlanadi-yey,
Muhabbatda to`la qalbing yonadi.
To`y-tomosha qilib umring o`tadi-yey,
Qarabsanki, bir kun ajal yonda turadi.

Dunyo, ona qilib yaratmagin,
Dunyo, farzand dog`in ko`rsatmagin.
Dunyo – Onalarning onasisan,
Kim farzandin yomon ko`rar?
Insofini tilab bergin.

Dunyo, kim yomon bo`lgisi kelar?
Dunyo, kim yerda yurgisi kelar?
Dunyo orzular ham bulutlarda,
Qanotlari bo`lmasa ham,
O`rni bor, uchgisi kelar. Dunyo…

Bo`lmas, zamonni qaytarib bo`lmas,
Bo`lmas, bukrini to`g`irlab bo`lmas,
Bo`lmas, ajalni qaytarib bo`lmas,
Ona uchun farzand birdir, bolaning yomoni bo`lmas.

Aytmas, inson to`g`rini hech aytmas,
Qaytmas, yomonlar fitnadan qaytmas,
Kechmas, mardlar maydonidan kechmas,
Har inson fe’li boshqadir, ona uchun yomon bo`lmas.

Dunyo, ko`zlarim nurini olma,
Dunyo, qalbim shu’urini olma.
Dunyo, faqat sen olim bu ishda,
Olsang ham mening jonimni, olma faqat iymonimni.

Dunyo, umrini ber bolalarimning,
Dunyo, ko`paytirgin do`stlarimni,
Dunyo, sen taniysan dushmanimni,
Yomonlik istamayman, lek unutma haqiqatingni.

Dunyo…

* * *

Юлдуз Усмонова – Дунё (2020)

Баҳорман деб, баҳор кулиб келади,
Ёз иссиғи жонлар ёқиб келади.
Ҳосилли куз бизни хурсанд қилади,
Ҳисоб учун изғирин қиш келади.

Ҳаёт ҳам севги билан бошланади-ей,
Муҳаббатда тўла қалбинг ёнади.
Тўй-томоша қилиб умринг ўтади-ей,
Қарабсанки, бир кун ажал ёнда туради.

Дунё, она қилиб яратмагин,
Дунё, фарзанд доғин кўрсатмагин.
Дунё – Оналарнинг онасисан,
Ким фарзандин ёмон кўрар?
Инсофини тилаб бергин.

Дунё, ким ёмон бўлгиси келар?
Дунё, ким ерда юргиси келар?
Дунё орзулар ҳам булутларда,
Қанотлари бўлмаса ҳам,
Ўрни бор, учгиси келар. Дунё…

Бўлмас, замонни қайтариб бўлмас,
Бўлмас, букрини тўғирлаб бўлмас,
Бўлмас, ажални қайтариб бўлмас,
Она учун фарзанд бирдир, боланинг ёмони бўлмас.

Айтмас, инсон тўғрини ҳеч айтмас,
Қайтмас, ёмонлар фитнадан қайтмас,
Кечмас, мардлар майдонидан кечмас,
Ҳар инсон феъли бошқадир, она учун ёмон бўлмас.

Дунё, кўзларим нурини олма,
Дунё, қалбим шуъурини олма.
Дунё, фақат сен олим бу ишда,
Олсанг ҳам менинг жонимни, олма фақат иймонимни.

Дунё, умрини бер болаларимнинг,
Дунё, кўпайтиргин дўстларимни,
Дунё, сен танийсан душманимни,
Ёмонлик истамайман, лек унутма ҳақиқатингни.

Дунё…