MuzFm.TV » Тексты песен » Abdulla Qurbonov - Bizchalik bo’lar matni

Abdulla Qurbonov - Bizchalik bo’lar matni

Sizga sog`inch kunlar bahor, yozchalik bo`lar,
Xazin ko`nglim xazonlikda kuzchalik bo`lar,
Jonon qizlar jafolari nozchalik bo`lar, {x2}
Elni shaydo qilgan sanam sizchalik bo`lar,
Sizga oshiq bo`lgan yigit bizchalik bo`lar.

Sizga oshiq bo`lib qoldik – qarab qo`ymaysiz,
Izlab borsam bo`lar edi, talab qo`ymaysiz.
Oyingizning qulog`ini burab qo`ymaysiz, {x2}
Beparvo qiz qancha bo`lsa, sizchalik bo`lar,
Shunday qizga shaydo bo`lgan bizchalik bo`lar.

Bizni qo`ying, bu olamda qizlar ko`p, demang,
Qizga oshiq bo`lgan qurib, bo`lar ch`op, demang.
Mendan o`zga xaridorga aslo x`op demang, {x2}
Chamanlarda har qancha gul sizchalik bo`lar,
Ra’nosiga shaydo bulbul bizchalik bo`lar.

Ikki boshni qovushtirgan jonlar topilgay,
Ko`changizdan ko`chamizga suvlar sepilgay,
Xo`p desangiz, shu bugunoq nonlar yopilgay, {x2}
Kelin bo`lsa bu olamda, sizchalik bo`lar,
Sizga kuyov bo`lgan yigit bizchalik bo`lar.

Sizga kuyov bo`lgan yigit bizchalik bo`lar…