MuzFm.TV » Тексты песен » Sherali Jorayev - Turnalar matni

Sherali Jorayev - Turnalar matni

Bir nafas havoda qoqmangiz qanot,
So`zim bordir maning sizga, turnalar.
Qatorlashib ne diyordan kelursiz?
Bir xabar bersangiz bizga, turnalar.

Turnalar, turnalar, turnalar… {x2}

Necha kunki yorning firoqindaman,
Parvonadek husni charog`indaman,
Bir olov ko`zlining so`rog`indaman,
Ko`rinurmu qarang ko`zga, turnalar.

Turnalar, turnalar, turnalar… {x2}

Men sevganman shahlo ko`zning surmasin,
Bir badnazar ko`rib, ziyon bermasin.
Xushyor uching, lochin bexos ko`rmasin,
Qo`rqaman, safingiz buzar, turnalar.

Turnalar, turnalar, turnalar… {x2}

Nozlanib-nozlanib yoyasiz ovoz,
Ko`ngillar zavqidan bo`lar sarfaroz.
Voqifning ham ko`ngli ko`p etar parvoz,
Sizlar bilan birga-birga turnalar.

Voqifning ham ko`ngli ko`p etar parvoz,
Sizlar bilan birga-birga turnalar.

Turnalar, turnalar, turnalar… {x3}