MuzFm.TV » Тексты песен » Ravshan Komilov - Yoqadi matni

Ravshan Komilov - Yoqadi matni

Erkam, menga nozlanib
Yurishlaring yoqadi,
Guldek ochilib, yashnab,
Kulishlaring yoqadi.

Yuzing quyoshmi, oymi,
Boqsam, qamashar ko`zlar.
Jilolanib tovusdek,
Turishlaring yoqadi.

Qomatingga, parivash,
Tasadduq desam jonim,
Erkalanib, bag`rimni
Tilishlaring yoqadi.

Qaynab-toshib yuragim,
Bir bo`sa xumor etsam,
Yomonsiz, deb chakkamga
Urishlaring yoqadi.

Go`zallar ichra tanho
O`zingsan, desam, jonim,
Shirin-shirin xayollar
Surishlaring yoqadi.

Sumbul sochlaring silab,
Quchsam nozik belingdan,
Xirom aylab, yonimga
Kelishlaring yoqadi.

Erkam, menga nozlanib
Yurishlaring yoqadi,
Guldek ochilib, yashnab,
Kulishlaring yoqadi.

Yurishlaring yoqadi,
Kulishlaring yoqadi.