MuzFm.TV » Тексты песен » Shohsanam - Ota-ona matni

Shohsanam - Ota-ona matni

Onang ziyosida Tangri nuri bor,
Otang duosida quyosh qo`ri bor.
Agar xush duolar bo`lsin desang yor,

Yashasang dunyoda, otam deb yasha,
Barchadan ziyoda – onam deb yasha! (x2)

Onang allasidan chin orom topding,
Otang rizq keltirdi – xush taom topding.
Avval g`oz-g`oz turding, keyin zir chopding,

Jonimda madorim otam deb yasha,
Dil bergan dildorim onam deb yasha! (x2)

Otang – tog`, talpinsang chorlab turguvchi,
Onang – bog`, qarshingda porlab turguvchi.
Sendan dunyo emas, mehr so`rguvchi,

Siz qadri qalqonim, otam deb yasha,
Siz mehri ummonim, onam deb yasha! (x2)

Har ko`ngil g`aribdir onasiz asli,
Farzandlar otaning izdagi nasli,
Hatto ikki juftdir falakning fasli,

Yakkasiz, yagonam, otam deb yasha,
Makkamsiz, Madinam, onam deb yasha! (x2)