MuzFm.TV » Тексты песен » Sherali Jorayev - Yor topolmaysan matni

Sherali Jorayev - Yor topolmaysan matni

Bo`yingga munosib yor topilganda,
Ko`nglingga munosib yor topolmaysan.
Ko`nglingga munosib yor topilganda,
Bo`yingga munosib yor topolmaysan.

Bo`lsa u gul yuzli, so`zlar muloyim,
Ko`rganlar aytsalar, u – shu guloyim,
Shundayin hur qizni bersa Xudoyim,
Shu malak yonidan hech ketolmaysan.

Sarvdek sollanib yoningda tursa,
So`zing shamoliga bosh egib qo`ysa,
Yomon so`zingni ham yaxshiga yo`ysa,
Uning xizmatidan bosh ololmaysan.

Sadqalar shirin jon axir u uchun,
Yigit go`zal uchun, qiz yigit uchun.
Ikki dil pokligi oila uchun,
Buningsiz lazzatli hayot qurolmaysan.